Author: CICS UM Admin

နိုင်ငံ့ဝန်ထမ်းတက္ကသိုလ်(အထက်မြန်မာပြည်)တွင် ၃-၆-၂၀၂၄ ရက်နေ့ နံနက် (၀၈:၀၀) နာရီအချိန် အရာထမ်းလောင်း(အထူး)မွမ်းမံသင်တန်း အမှတ်စဉ်(၁၃)၏ သင်တန်းဖွင့်ပွဲ အခမ်းအနားကို ရတနာခန်းမ၌ ကျင်းပပြုလုပ်ခဲ့ရာ  ပြည်ထောင်စုရာထူးဝန်အဖွဲ့၊ ဥက္ကဋ္ဌ (ကိုယ်စား) ပြည်ထောင်စုရာထူးဝန်အဖွဲ့၊ အဖွဲ့ဝင် ဦးဆန်းမြင့် တက်ရောက်၍ သင်တန်းဖွင့် အမှာစကား ပြောကြားခဲ့ပါသည်။ အဆိုပါ အခမ်းအနားသို့ တက္ကသိုလ် ပါမောက္ခချုပ် ဦးကျော်စိုး၊ ရဲအရာရှိလေ့ကျင့်ရေးသင်တန်းကျောင်းနှင့် ဗဟိုမီးသတ်သင်တန်းကျောင်းတို့မှ ကျောင်းအုပ်ကြီး၊ တက္ကသိုလ်ရှိ  ဒုတိယပါမောက္ခချုပ်များ၊ ဌာနကြီးမှူးများ၊ ပါမောက္ခ(ဌာနမှူး)များ၊  ပါမောက္ခများနှင့် တာဝန်ရှိသူများ အဆိုပါ သင်တန်းမှ  သင်တန်းသား၊ သင်တန်းသူ စုစုပေါင်း(၁၁၉)ဦး တက်ရောက်ခဲ့ကြပါသည်။