အုပ်ချုပ်မှုစွမ်းရည်မြင့်မားရေး သင်တန်း အမှတ်စဉ်(၈)နှင့် အရာထမ်းငယ်သင်တန်း အမှတ်စဉ် (၁၀၀)တို့၏ သင်တန်းဆင်းပွဲ အခမ်းအနား (၂-၁၀-၂၀၂၄)
နိုင်ငံ့ဝန်ထမ်းတက္ကသိုလ်(အထက်မြန်မာပြည်)တွင် ၂-၁၀-၂၀၂၄ ရက်နေ့ နံနက် (၀၇:၀၀) နာရီအချိန် အုပ်ချုပ်မှုစွမ်းရည်မြင့်မားရေး သင်တန်း အမှတ်စဉ်(၈)နှင့် အရာထမ်းငယ်သင်တန်း အမှတ်စဉ် (၁၀၀)တို့၏ သင်တန်းဆင်းပွဲ အခမ်းအနားကို တက္ကသိုလ် စစ်ရေးပြကွင်း(၁)တွင် ကျင်းပပြုလုပ်ခဲ့ရာ ပြည်ထောင်စုရာထူးဝန်အဖွဲ့၊ ဥက္ကဋ္ဌ (ကိုယ်စား) ပြည်ထောင်စုရာထူးဝန်အဖွဲ့၊ အဖွဲ့ဝင် ဦးဆန်းမြင့် တက်ရောက်၍ သင်တန်းဆင်း အမှာစကား ပြောကြားခဲ့ပြီး ထူးချွန်ဆုများနှင့် သင်တန်းဆင်းအောင်လက်မှတ်များ ပေးအပ်ချီးမြှင့်ခဲ့ပါသည်။ အဆိုပါ အခမ်းအနားသို့ အထွေထွေအုပ်ချုပ်ရေး ဦးစီးဌာနမှ ညွှန်ကြားရေးမှူးချုပ် ဦးမြင့်သန်း၊ တက္ကသိုလ်မှ ပါမောက္ခချုပ် ဦးကျော်စိုး၊ ရဲအရာရှိလေ့ကျင့်ရေးသင်တန်းကျောင်းနှင့် ဗဟိုမီးသတ်သင်တန်းကျောင်းတို့မှ ကျောင်းအုပ်ကြီး၊ တက္ကသိုလ်ရှိ ဒုတိယပါမောက္ခချုပ်များ၊ ဌာနကြီးမှူးများ၊ ပါမောက္ခ(ဌာနမှူး)များ၊ ပါမောက္ခများနှင့် တာဝန်ရှိသူများ အဆိုပါ သင်တန်းများမှ သင်တန်းသား၊ သင်တန်းသူ စုစုပေါင်း(၅၅၆)ဦး တက်ရောက်ခဲ့ကြပါသည်။
