ကာကွယ်ရေးပညာဌာန

နိုင်ငံ့ဝန်ထမ်းတက္ကသိုလ်တွင်ကာကွယ်ရေးနှင့်လုံခြုံရေးပညာကို စာတွေ့၊လက်တွေ့သင်ကြား လေ့ကျင့်ခွင့်ရသည့်အတွက် နိုင်ငံတော်နှင့်နိုင်ငံသားတို့အား ကာကွယ်စောင့်ရှောက်ရမည့် အသိ စိတ်ဓာတ်ကိန်းအောင်းလာစေခြင်း၊ အရေးကြုံလာပါက နိုင်ငံတော်၏အမျိုးသား အကျိုးစီးပွားကို ကာကွယ်စောင့်ရှောက်နိုင်စေခြင်း၊ အသင်းအဖွဲ့ဖြင့် ဆောင်ရွက်တတ်၍ အမိန့်နာခံမှု၊ နိုင်ငံတော် အပေါ် သစ္စာစောင့်သိမှုစိတ်ဓာတ်များ ပိုမိုရရှိလာစေခြင်း၊ နိုင်ငံ့ဝန်ထမ်းများအား ကာကွယ်ရေး ဆိုင်ရာဘာသာရပ်များအား သင်ကြားပို့ချ လေ့ကျင့်ခြင်းဖြင့် နိုင်ငံတော်ကာကွယ်ရေးနှင့် လုံခြုံရေး အတွက် တစ်ဖက်တစ်လမ်းမှ အထောက်အကူပြုနိုင်မည်ဟု မျှော်မှန်းပါသည်။

• ၁။       သင်တန်းသားများအချင်းချင်း အပြန်အလှန်ယုံကြည်မှု၊ နားလည်မှု၊ လေးစားမှု၊ ခိုင်မာစွာ တည်ဆောက်နိုင်ရန်။၂။       သင်တန်းသားများအချင်းချင်း စည်းလုံးညီညွတ်မှုရှိစေရန်နှင့် ချစ်ခင်ရင်းနှီးမှု ပိုမိုရရှိစေရန်။၃။       စိတ်ဓါတ်၊ စည်းကမ်း၊ ခံယူချက်၊ ယုံကြည်ချက်၊ စိတ်နေသဘောထား ပိုမိုကောင်းမွန်သည့် ဝန်ထမ်းကောင်းများ ပေါ်ထွက်လာစေရန်။

• ပြည်ထောင်စုသမ္မတမြန်မာနိုင်ငံတော် ၂၀၀၈ ခုနှစ်၊ ဖွဲ့စည်းပုံအခြေခံဥပဒေပုဒ်မ ၃၈၆ အရ နိုင်ငံသားတိုင်းသည် ဥပဒေပြဌာန်းချက်နှင့်အညီ စစ်ပညာသင်ကြားရန်နှင့် နိုင်ငံတော်ကာကွယ်ရေး အတွက် စစ်မှုထမ်းရန်တာဝန်ရှိသည်ဟုပြဌာန်းထားသည်နှင့်အညီ နိုင်ငံ့ဝန်ထမ်းများအား နိုင်ငံတော် ကာကွယ်ရေးနှင့် လုံခြုံရေးပညာရပ်များ၊ စစ်ရေးပြနှင့်လက်နက်ငယ်ဘာသာရပ်များအား စာတွေ့၊ လက်တွေ့ သင်ကြားပို့ချပေးနိုင်ရန် ရည်ရွယ်ပါသည်။