စီမံခန့်ခွဲမှုပညာဌာန

နိုင်ငံတော်၏ မျှော်မှန်းချက်ဖြစ်သည့် ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရ ပေါ်ထွန်းလာရေးကို ရှေးရှု၍ နိုင်ငံဝန်ထမ်းများအတွက် လိုအပ်သည့် စီမံခန့်ခွဲမှုနှင့် အုပ်ချုပ်မှုစွမ်းရည်များကို မြှင့်တင်ပေးနိုင်စွမ်းရှိလိမ့်မည်ဖြစ်သော ပညာရှင်ပီသသည့် ကျင့်ဝတ်များ၊ ကျွမ်းကျင်မှုများနှင့် ညီညွတ်သည့် စီမံခန့်ခွဲမှုဆိုင်ရာ လေ့လာသင်ယူမှု အရင်းအမြစ်တစ်ခု ဖြစ်ပေါ်လာစေရန်။

• အနာဂတ်အတွက် လေ့ကျင့်ရေးနှင့်ပညာရေး နယ်ပယ်နှစ်ခုစလုံးတွင် အသိပညာ၊ ကျွမ်းကျင်မှု နှင့်လက်တွေ့လုပ်ဆောင်နိုင်မှုတို့ကို လေ့လာသင်ယူရန်နှင့် မြှင့်တင်ရန်၊ ပြည်တွင်း၊ ပြည်ပ လေ့လာသင်ယူမှု အရင်းအမြစ်များနှင့် ပေါင်းစပ်ညှိနှိုင်း ဆောင်ရွက်ခြင်း၊ ပူးပေါင်းဆောင်ရွက် ခြင်းတို့ဖြင့် လေ့လာသင်ယူမှုကို မြှင့်တင်ရန်၊
• တီထွင်ဖန်တီးတွေးခေါ်ခြင်းနှင့် ဆန်းသစ်တီထွင်ခြင်းတို့ကို အားပေးလျက် ပို့ချခြင်း၊ ဆွေးနွေးခြင်း၊ စာတမ်းများပြုစုရေးသားခြင်းနှင့် ထိုသို့ ဖြစ်ပေါ်လာစေရန် စေ့ဆော်မှုပေးခြင်း နည်းလမ်းများဖြင့် နိုင်ငံ့ဝန်ထမ်းများကို အကောင်းဆုံး ပို့ချမှုများပေးရန်၊
• လေ့လာသင်ယူခြင်းနှင့် သင်ကြားပို့ချခြင်း လုပ်ငန်းစဉ်များမှာ စဉ်ဆက်မပြတ် တိုးတက်မှုများ လုပ်ဆောင်ရန်၊ ထိုသို့ ဖြစ်ပေါ်စေရန်အတွက် ဘာသာရပ် အကြောင်းအရာများနှင့် ဖွဲ့စည်းမှုများ၊ သင်တန်းသားများ၏ မဟာဗျူဟာများအပါအဝင် ပတ်ဝန်းကျင်ဆိုင်ရာ ပြောင်းလဲမှုများနှင့် အခြားဖွံ့ဖြိုးတိုးတက်မှု လိုအပ်ချက်များ အပေါ်တွင် အကဲဖြတ်သုံးသပ်ခြင်း၊ သုတေသနလုပ်ဆောင်ခြင်း တို့ဖြင့် စဉ်ဆက်မပြတ် တိုးတက်မှုကို လုပ်ဆောင်ရန်။

• စီမံခန့်ခွဲမှုတာဝန် ထမ်းဆောင်နေရသော နိုင်ငံ့ဝန်ထမ်းများအား စီမံခန့်ခွဲမှု သဘောတရားများ၊ လုပ်ငန်းတာဝန်များကို ရှင်းလင်းစွာ နားလည်သဘောပေါက်၍ လက်တွေ့လုပ်ငန်းခွင်တွင် ပြန်လည်အသုံးချတတ်စေရန်၊
• အဖွဲ့အစည်းများတွင် အရည်အချင်းပြည့်ဝသော ခေါင်းဆောင်မှုများ ရရှိနိုင်စေရန်အတွက် ခေါင်းဆောင်မှုဆိုင်ရာ အခြေခံသဘောသဘာဝကို နားလည်သဘောပေါက်စေရန်၊
• ရုံးဝန်ထမ်းများသည် ရုံးလုပ်ငန်းသဘောနှင့် ရုံးလုပ်ငန်းတာဝန်များကို သိရှိနားလည် သဘောပေါက်ပြီး ရုံးလုပ်ငန်းများကို ဆောင်ရွက်ရာတွင် မှန်မှန်ကန်ကန်၊ မြန်မြန်ဆန်ဆန်နှင့် စည်းကမ်းတကျ ဆောင်ရွက်သွားနိုင်စေရန်၊
• ဘဏ္ဍာရေးဆိုင်ရာ စည်းမျဉ်းစည်းကမ်းများကို နားလည်သဘောပေါက်ပြီး စည်းကမ်းကျနစွာ၊ တည်ကြည်ဖြောင့်မတ်စွာနှင့် ဘဏ္ဍာရေးကိစ္စများကို ဆောင်ရွက်ရာတွင် တပြေးညီဖြစ်စေရန်။